Halló...er einhver hérna??

Kannski maður eigi að gefa þessu annan sjéns. Allavega að reyna...

Þá er maður kominn á annað ár í þessu læknanámi. Kom út 14. ágúst og tók erfðafræði próf sem gekk bara helvíti vel.  Búinn með öll prófin og get byrjað annað árið með hreinan skjöld sem er ekki slæmt.  Er bara mjög ánægður með sjálfan mig að hafa klárað þetta allt þrátt fyrir Finnlands ævintýrið sem tók annsi mikinn tíma frá náminu.  Núna hef ég um viku til að slappa af, skólinn byrjar svo aftur 10. sept.  Kannski maður reyni að worka tanið, segir maður það ekk

Halló...er einhver hérna??

Kannski maður eigi að gefa þessu annan sjéns. Allavega að reyna...

Þá er maður kominn á annað ár í þessu læknanámi. Kom út 14. ágúst og tók erfðafræði próf sem gekk bara helvíti vel.  Búinn með öll prófin og get byrjað annað árið með hreinan skjöld sem er ekki slæmt.  Er bara mjög ánægður með sjálfan mig að hafa klárað þetta allt þrátt fyrir Finnlands ævintýrið sem tók annsi mikinn tíma frá náminu.  Núna hef ég um viku til að slappa af, skólinn byrjar svo aftur 10. sept.  Kannski maður reyni að worka tanið, segir maður það ekki?? Reyndar hitinn aðeins búinn að lækka síðan ég kom "bara" 24 stig núna. En eins og sannur íslendingur hikar maður ekki við að rífa sig úr bolnum og leggjast í sólbað jafnvel þótt hitinn myndi fara niður í 16 stig.

Ég og Axel erum svo fluttir í nýja íbúð á  Simony utca.  Fínasta íbúð finnst mér og einstaklega vel staðsett við tramma línuna þannig að það er 5 mín upp í skóla og niður í miðbæ. Mjög sáttir við það...

Sumarið var mjög gott.  Reyndar mjög stutt frí og allt of fljótt að líða.  En alltaf gott að hitta fjölskyldu og vini.  Svo kom hún Anna mín í heimsók.  Það var náttúrulega farið á þessa helstu túrista staði, Þingvelli, Gullfoss og geysir.  Fórum á Fjöruborðið á Stokkseyri og fengum okkur humar, hvað annað. Mjög gaman að sýna henni Ísland og bara mjög vel heppnuð ferð.

Núna ætlar maður að reyna að vera duglegri að blogga,  kannski kemur maður með færslu oftar en á hálfs árs fresti...hver veit.

s.björn

Jæja bara búið að vera nóg að gera síðustu vikur. Ég kláraði prófin 28.des og brunaði strax heim til Íslands að hitta fjölskyldu og vini.
Hann Svenni ákvað að semja 2 lög og senda þau í undankeppni Eurovision. Hann sá engan annan kost en að byðja töffarana á B.Boldízar 11 að standa á sviði í lögunum enda lekur af okkur töffaraskapurinn :) Þannig að ég, Axel og Svenni stóðum við hlið Hreims og Eika Hauks í tveimur lögum.  Eiki brilleraði (við sýndum náttúrulega þvílíka takta á bassa og gítar) og við komumst í úrslitakvöldið.  Þetta var bara snilld og auðvitað vann Eiki úrslitin. Eftir úrslitakvöldið var farið á Nasa þar sem vinningslagið var flutt fyrir troðfullu húsi. Ég hef bara aldrei upplifað annað eins, er ennþá að jafna mig eftir þetta.  Maður er þá bara víst  á leiðinni til Helsinki þann 10. Maí að standa á sviði fyrir framan mörg þúsund manns...Ekki slæmt.
Alvaran tók svo við og skólinn byrjaði aftur.  Mjög mikið að gera þar en maður er svona að koma sér í lærdómsgírinn.  Anatómían er stór partur og mikið að læra en bara mjög skemmtilegt, byrjuð að krifja lík sem var mjööög sérstakt fyrst.
Maður var bara búinn að vera rúmlega viku í skólanum þegar við vorum kallaðir aftur til Ísland til að leika  myndbandi fyrir lagið hans Svenna.  Það var bara ekkert annað að gera en að taka námsbækurnar með og sigla til Íslands.  Ég flýg svo aftur til Ungverjalands næsta þriðjudag.

Lagið hans Svenna:
http://youtube.com/watch?v=Y08nwzqaBUU

Eftirpartýið á Nasa:
http://youtube.com/watch?v=vWd68uzBLTE

s.björn

Í dag er aðfangadagur. Ekki beint týpískur aðfangadagur hjá sibba. Maður er ekki beint kominn í jólaskap...fórum upp í skóla í morgun að læra og vorum til svona hálf þrjú. Enda bara 4 dagar í þetta stórskemmtilega biophysics próf. Svo á bara að fara að elda eitt stykki hamborgarahrygg og fara til Ingibjörgu og Arnars og eta hann þar. Kannski maður komist í smá jólaskap í kvöld.

já núna eru rúmir tveir mánuðir síðan ég skrifaði eitthvað á þessa síðu sem er dágóður tími. Mikið hefur verið gert á þessum mánuðum og maður ætti að geta gert frekar langa og góða færslu.

-Birkir kom til Ungverjalands í lok október og tryllti lýðinn eins og honum einum er lagið. Hann sýndi gríðarlegt þol og var hrókur alls fagnaðar og verð ég að hrósa honum fyrir það.  Við kíktum til Búdapest og tókum hana með trompi og skoðuðum allt sem hægt var að skoða og versluðum á met tíma. very nice!

-Körfuboltamót var þar síðustu helgi og Team slam dunker bulls eins og ég kýs að kalla liðið okkar mættu og auðvitað  rústuðum við  mótinu og lentum í þriðja sæti.  Ég er nú ekki mikill körfuboltamaður og því mjög gaman að fá fyrstu  körfuboltamedalíuna sína og ég skal segja ykkur eitt að hún verður ekki sú síðasta!

- Átti afmæli í byrjun desember. S.Negger eldaði frábæra máltíð fyrir mig og svo var haldið pókermót hér á Bartha B.  Auðvitað rústaði ég því og tók allan peninginn.  Fyrsta skipti sem ég vinn eitthvað í póker og ég átti afmæli...tilviljun??

-Námslega séð hefur allt bara gengið mjög vel.  Búinn með alla þessa litlu áfanga eins og t.d sálfræði og skyndihjálp.  Fór í fyrsta munnlega prófið síðasta föstudag og ég var að skíta í mig úr stressi.  Þetta gekk samt allt vel og ég náði þessu alveg.  Svo eru bara tvö próf eftir og maður verður kominn heim 29.des!

-Jæja ætli maður verði ekki að hætta að pikka á lyklaborðið svo nágranarnir komi ekki og kvarti undan hávaða.  Ungverjar eru yndislega þolimóðir og vingjarnlegt fólk.

-myndasíða: www.puplic.fotki.com/sibbus

s.björn

Núna ríkir nett gleði hjá mér. Fékk loksins að vita hvort ég fengi efnafræðina metna. Eins og allt í ungverjalandi gekk þetta mjög hægt og ég búinn að bíða í rúmar 4 vikur eftir svari og fara í marga tilgangslausa efnafræði tíma, eða kannski ekki svo tilgangslausir...maður lærir nú alltaf eitthvað nýtt. En ég fékk allt metið nema bio-inorganic chemistry sem ég þarf að taka eitthvað lítið próf úr í lokin. Þá er bara einn stór áfangi eftir á önninni, Biophysics...eðlisfræði er nú ekki beint mitt fag þannig að ég er frekar smeikur fyrir þetta og ég þarf líka að halda fyrirlestur í lok annar.... Ég fæ martraðir út af þessum fyrirlestri, sé fyrir mér að kennarinn rakki mig niður þannig að ég sé engann annan kost en að leggjast niður í fósturstellingu og sjúga þumalinn.

Ég var að festa kaup á myndavél þannig að það er von á myndum frá Debrecen.

s.björn

Fótboltamót síðustu helgi. F.C Valur var náttúrulega mætt á svæðið og ætlaði sko aldeilis að taka þetta mót. Byrjuðum nú ekki vel, gerðum jafntefli í fyrstu 2 leikjunum við slakari lið. Það var nú meiri óheppnin og dómaraskandall með meiru! En við náðum að tryggja okkur upp úr riðlinum með góðum sigrum í síðustu 2 leikjunum og enduðum í 2.sæti í riðlinum. Við hefðum ekki getað fengið erfiðari mótherja í 8 liða úrslitum, það voru íranir og voru þeir sigurvegarar á síðustu 3 mótum. Við stóðum nú í þeim í fyrri hálfleik en í seinni hálfleik völtuðu þeir yfir okkur og við skíttöpuðum. Þeir tóku þetta nú bara á þolinu, við bara með einn skiptimann en þeir svona 5 og ég við það að æla lungunum upp í lok leiks....snöggir andskotar! En ótrúlega skemmtilegt mót og vel sólbrunninn í framan og brunninn þar sem augnbrúnir eiga venjulega að vera. Læt fylgja með nokkrar myndir af kallinum í aksjón.



Djöfull lítur hann vel út í valsbúningnum! Mér finnst nú að knattsyrnufélagið Valur ætti að hugleiða að fá hann í liðið bara upp á lúkkið...



s.björn

Hvað getur maður sagt um síðustu helgi.......

Föstudagurinn var frábær.  Það var haldið bekkjarpartý fyrir hóp 3 sem samanstendur af 11 íslendingum, 5 svíum, 5 ísraelum, kana, nígeríumanni og írana.  Alltaf þurfa Íslendingar að vera bestir.  Þetta var skemmtilegt og komumst í gegnum þetta án stórvægilegra óhappa.... Þó svo að það þurfti að fylla upp í nokkrar holur ,loka næstu götum og kalla á dráttarbíl.

Laugardagurinn byrjaði mjög vel. Fórum stór hópur í paintball sem var geðveikt.  Svæðið var mjög gott, gömul neðanjarðarbyrgi, skotgrafir og þykkur skógur.  Reyndar er maður allur bitinn eftir að hafa skriðið í skóginum...auðvitað verður maður að lifa sig inn í þetta...Byssurnar voru ekkert smá kröftugar, er með nokkra góða marbletti.
Strax eftir paintballið var farið í skandinavíska busavígslu. Hún byrjaði um kl 4 og já það komust ekki margir á lífi úr þessu.  Við vorum skipt í hópa og áttum að leysa nokkrar þrautir á ýmsum stöðum. Heilu hóparnir þurkuðust út en sem betur fer misstum við bara einn úr okkar hóp. Maður fékk að prófa ýmislegt sem tengdist rjóma, bjór,vax,billjardkúlum, eggjum,gulrótum og svo auðvitað ég teamplayerinn(liðsspilarinn) rakaði af mér augnbrýrnar bara fyrir liðsheildina.  Reyndar unnum við ekki en hvað gerir maður ekki fyrir liðið sitt.  Þetta vex alveg aftur....er það ekki annars??

s.björn

Djöfull er þetta slapt blogg hjá mér. Ég er ekki alveg að höndla þetta en jæjaa...á maður ekki að koma með eitthvað?

Ég er búinn að vera hérna í 1 mánuð akkurat í dag. Þetta er helvíti fljótt að líða maður.  Sem er bæði gott og slæmt, mikið að lesa og hangs í kringum skólann. En maður er alveg að höndla þetta allavega núna sem er mjög gott.

Við gefum okkur samt tíma til að kíkja út á lífið.  Aðal djamm dagur ungverja eru miðvikudagar.  Við kíktum nokkir krakkar á einn stað þar sem ungverjarnir sletta  úr klaufunum.  Það var mjög sérstök lífsreynsla.  Mínipilsin allsráðandi, sem er kannski ekki mjög slæmt, og tónlist frá svona 1995 en þetta var mjög gaman að sjá þetta þó maður fari kannski ekki aftur á þennan stað.
Við strákarnir á Bartha boltizar utca héldum smá partí síðasta föstudag. Þar var gleðin í hámarki þangað til við fengum Schwarzenegger í heimsókn sem bað okkur vinsamlegast að róa okkur niður á góðri ensku.  Við gátum ekki sagt nei við Schwarzenegger þannig að við flúðum á stað á háskólasvæðinu og dilluðum okkur við ungverskt coverband og átum djúsí svínasteik.  Ekki slæmt kvöld það.....

En núna er bara planið að koma sér í form fyrir fótboltann.  Við sjáum bara til hvernig það gengur.....

s.björn

Leigubílstjórar er sérstök tegund af fólki hér í Debrecen. Fyrir utan það að kunna ekki stakt orð í ensku þá eru þér sérstaklega pirraðir menn. Ef maður dregur upp the big bucks þá byrja þeir að fussa og sveija og blóta manni í sand og ösku. Ég missti einu sinni flöskur úr innkaupapokanum þegar ég var að fara úr bílnum og gaurinn var ekki sáttur, fékk fúkkyrðin yfir mig og puff huhh...

Ég hélt að það yrði mitt síðasta um daginn. Leigubílstjórinn ákvað allt í einu að fara í spyrnu við annan bíl. Mér fannst þetta ekki sniðugt því á okkar helmingi var kyrrstæður bíll og við á 130 í áttina að honum. Ég kom náttúrulega með karlmannlegt öskur "ahh watch out there´s a car"!. Gaurinn beygir þá inn á hina akreinina með hinn bílinn hliðin á svo það er svona 1cm á milli bíla. Við bara í sjokki snýr hann sér við og segir: " it ok he just my friend" og bendir á hinn bílinn.

s.björn